Tetun DIT header

 

Dili Institute of Technology oferese kursu Tetun ba Timor-oan ho mos ba ema estranjeiru. Ami mos hakerek livru oi-oin kona ba Tetun.

Iha tinan 2015 DIT foo sai edisaun foun ba livru hotu-hotu, tanba halo mudansa ortografia. Uluk, ami hakerek Portuges 'nh' ho 'lh' uza 'ny' ho 'ly' (ez. senyora, ilya), tanba Tetun mos iha liafuan balu ho letra 'nh' duni. Liafuan nee mak bainhira, bainhaat ho bainhitu. Agora ami hakerek 'nh' ho 'lh' tuir Portuges (ez. senhora, ilha), tanba ema barak simu hanesan nee.

Tetun ba eskola ho servisu 1 (2015)

Book cover

Livru nee hodi hanorin estudante Timor oan, liu-liu iha nivel universidade, oinsaa atu uza Tetun ba eskola ho servisu. Iha kapitulu hanesan tuir mai:
1.   Istoria Tetun
2.   Ortografia
3.   Aprende liafuan foun
4.   Desidi objetivu
5.   Koalia formal no koalia halimar
6.   Liga fraze kona ba tempu
7.   Hakerek istoria
8.   Buka informasaun iha livru ka artigu
9.   Aponta informasaun hosi livru ka artigu
10. Hakerek rezumu
11. Rona hodi aponta
12. Liafuan hodi deskreve

Hakerek nain sira mak Catharina Williams-van Klinken, Leoneto da Silva Ribeiro ho  Cesaltina Martins Tilman.

Download
iha nee (1.1MB) Download kulit iha nee (456KB)
Book cover

Tetun ba eskola ho servisu 2 (2016)

Livru nee hodi hanorin  estudante Timor-oan sira kona ba hakerek deskrisaun, kurikulum vitae, relatoriu ho prosedimentu, oinsaa uza paragrafu, hanoin kritiku, tuir intervista atu hetan servisu, temi numeru ho lian Tetun, hakerek revizaun literatura ho bibliografia, halo tradusaun, no oinsaa atu tradus pasivu ba iha lian Tetun.

Hakerek nain sira mak Catharina Williams-van Klinken, Leoneto da Silva Ribeiro, Cesaltina Martins Tilman, Teófilo António Soares Maia ho Melky Fridus Ladis Costa Akoyt.

Download iha nee (1.2MB) Download kulit iha nee (456KB)

Tourism coverGlosariu turizmu no hahaan (2016)

Glosariu nee foo liafuan turizmu nian 500, ho mos liafuan 700 kona ba hahaan ho tein, iha lian Tetun, Portuges, Ingles ho Indonezia. Ai horis balu iha mos naran sientifiku.

Hakerek nain sira mak Catharina Williams-van Klinken, Helio Brites da Silva, Cesaltina Martins Tilman, Martinha Rodrigues Rebelo Santos Silva, Marta Cardoso, Anabela Maia Santos ho Justino da Silva. 

Glosariu nee bele sosa nudar livu ho folin maizumenus $12, bele mos download nudar PDF ka halao nudar programa interativu.
Download nudar PDF file iha nee (2.3MB), kulit.

Download instalasaun ba programa interativu iha nee (5.7MB) ba Windows 7, XP, Vista, ka iha nee ba Android.

Download HTML iha nee nudar .ZIP (400KB) (bele uza ho sistema operativu saida deit).

CD coverDisionariu Tetun-Ingles interativu (2015, ed. 2)

Disionariu nee bele uza iha komputador. Iha lia fuan Tetun 7400, ho Ingles 6800. Bele buka lia fuan Tetun ka Ingles, ou se lae buka tuir kategoria hanesan saude ka agrikultura. Iha lia fuan barak mos hatudu nia sinonimu, kontrariu ho ezemplu. Nunee, bele uza disionariu nee ba nivel baziku ho intermediu.

Programa instalasaun bele sosa iha CD hosi Lalenok Study Group iha Dili ka hosi Dili Institute of Technology ($10). Bele mos download. Disionariu nee bele uza ho Windows XP, Windows 7 ka Vista.

Download iha nee (8.5MB) (bele uza ho Windows 7, XP, Vista) ka  iha nee ba Android.

Download HTML iha nee nudar .ZIP (1.5MB) (bele uza ho sistema operativu saida deit).

IT coverGlosariu informatika (2015, ed. 2)

Glosariu nee foo lista liafuan 700 resin iha area informatika nian, ho lian haat: Tetun, Portuges, Ingles ho  Indonezia. Catharina Williams-van Klinken, Marcelo Fernandes Xavier Cham and Saleh Abdullah Alkatiri mak prepara.

Ita bele sosa nudar livru, download ho formatu  PDF ka instala nudar programa interativu. Glosariu interativu nee bele uza ho Windows XP, Windows 7 ka Vista.

Download PDF iha nee (1MB)

Download intalasaun ba glosariu interativu iha nee (5.7MB) (bele uza ho Windows 7, XP, Vista)

Download HTML iha nee nudar .ZIP (200KB) (bele uza ho sistema operativu saida deit)

Wordfinder coverWordfinder (2015, ed. 2)

Disionariu kiik-oan ida nee, Dili Institute of Technology prepara atu bele ema Timor aprende liafuan foun ho lian Ingles. Livru nee iha liafuan Tetun 4500, ho liafuan Ingles 4900. Nunee, diak ba estudante nivel baziku ho klaran.

Se hola disionariu 30 ba leten, ita bele sosa ho folin $4.50/livru boot ka $3.50/livru kiik hosi mestri Tetun iha kampus DIT Aimutin. Livru boot ho kiik, konteudu hanesan, so medida mak la hanesan. Se hola 100 ba leten, folin tuun ba $4/livru boot ka $3 ba livru kiik. Diak liu konfirma lai liu hosi telefone 7736 9768, ka manda email ba regis@tetundit.tl. Se hakarak hola disionariu uitoan deit, ita bele sosa iha loja oi-oin, hanesan Lalenok Study Group, Sylvia Photocopy, ka Duta Xerox. Bele mos download iha nee.

DownloadKulit oin-kotuk (198KB) / 75KB), Livru laran (2.5MB)

Tetun 1, Tetun 2 (2015, ed. 2)

Livru rua nee hodi hanorin Tetun ba estudante Timor-oan, liu-liu iha nivel universidade.

Tetun 1 iha kapitulu 10 hanesan tuir mai.

  1. Istoria Tetun nian
  2. Ortografia: Prinsipiu, regra baziku
  3. Hakerek badak, klaru ho simples.
  4. Hakerek istoria
  5. Tempu
  6. Koalia formal ho koalia halimar

Tetun 2 iha kapitulu tuir mai:

  1. Deskreve buat ruma
  2. Hakerek paragrafu
  3. Buka informasaun iha livru ka artigu
  4. Hatoo opiniaun

Livru nee bele sosa hosi Sylvia Xerox. Bele mos hetan iha nee.

Download Tetun 1 (1MB)

Download Tetun 2 (425 KB)

Teacher and studentKursu Tetun ba estranjeiru

Dili Institute of Technology iha mestri nain haat nebee foo kursu intensivu ba estranjeiru para bele aprende Tetun. Kursu nee lao dadeer-dadeer, iha nivel hotu-hotu, hahuu hosi "Bondia, diak ka lae?" too nivel avansadu. Atu hatene tan, klik iha nee.

DIT Tetun student

Kursu hakerek Tetun ba Timor-oan

Estudante Dili Institute of Technology hotu-hotu tuir kursu Tetun durante semester rua, liu-liu atu aumenta sira nia kapasidade hakerek ho lian ida nee. DIT bele mos foo kursu iha liur, i bele foo treinamentu, oinsaa atu uza livru "Tetun 1" ho "Tetun 2", nebee ami prepara ona ba dosente Tetun.

 

Kontaktu ami

Email: regis@tetundit.tl

Telefone: (670) 7736 9768