Disionariu interativu Tetun-Ingles

Catharina Williams-van Klinken, 2019, edisaun 3.

Ema barak kontribui hodi halo disionariu nee. Iha liafuan Tetun 11600, espresaun Tetun tan 1200, ho liafuan Ingles 12700. Iha referensia 5400, hanesan sinonimu ho antonimu, ho mos ezemplu 3200. Iha versaun Windows, bele mos buka tuir kategoria, hanesan saude ka agrikultura.

Download programa instalasaun iha nee ba Windows. (Karik presiza dezinstala lai versaun uluk nian. Iha komputador balu, presiza uza funsaun 'administrador' atu instala versaun nee.)

Download HTML iha nee ba versaun nebee mak ita bele uza iha plataforma seluk tan.

Versaun Android ba edisaun 3 seidauk prontu. Maibee ita bele download edisaun 2 iha nee hosi Google Playstore. Depois kuandu ami hasae edisaun 2 ba Google Playstore, ida nee tuir loos download automatikamente.

Word-finder Tetun/Ingles

Catharina Williams-van Klinken, 2015, edisaun 2.

Word-finder nee disionariu kiik ba ema nebee aprende Tetun ka Ingles iha nivel baziku ka intermediu. Iha liafuan Tetun 4500, no Ingles 4900.

Ita bele sosa iha loja livru ho folin $5-$10. Se ita sosa 30 ba leten iha Sentru Lingua DIT, nia folin tuun too $3 kada livru. Se sosa 100 ba leten, nia folin tuun tan too $2.50. Ba livru ho medida boot uitoan (tanba letra boot liu), se sosa 30 ba leten, nia folin $4, se sosa 100 ba leten, folin $4.50. Atu marka tempu para sosa, kontaktu ami. Bele mos download iha nee.

Download: livru, kulit.

Glosariu turizmu no hahaan

Catharina Williams-van Klinken, Helio Brites da Silva, Cesaltina Martins Tilman, Martinha Rodrigues Rebelo Santos Silva, Marta Cardoso, Anabela Maia Santos ho Justino da Silva, 2016.

Glosariu nee iha liafuan turizmu nian 500, ho mos liafuan 700 kona ba hahaan ho tein. Hotu-hotu foo ho Tetun, Portuges, Ingles ho mos Bahasa Indonesia. Ita bele sosa livru ho folin maizumenus $10, dowload nudar PDF, ka uza nudar glosariu interativu iha komputador ka telefone.
Download nudar PDF: livru, kulit.

Download programa instalasaun iha nee (5.7MB) ba Windows 7, XP, Vista, ka iha nee ba Android.

Download HTML iha nee  ba plataforma seluk tan.

Glosariu informatika

Catharina Williams-van Klinken, Marcelo Fernandes Xavier Cham ho Saleh Abdullah Alkatiri, 2015, edisaun 2.

Glosariu nee iha liafuan 700 resin kona ba komputador, ho lian Tetun, Portuges, Ingles ho Bahasa Indonesia. Ita bele sosa livru ho folin maizumenus $10, download nudar PDF, ka uza nudar disionariu interativu iha komputador ka telefone. 
Download nudar PDF: livru, kulit.

Download programa instalasaun iha nee (5.7MB) ba Windows 7, XP, Vista.

Download HTML iha nee ba plataforma seluk tan.

Glosáriu eleisaun nian: lia fuan kona ba eleisaun

Independent Electoral Commission & UNDP (hakerek nain Catharina Williams-van Klinken, hamutuk ho  Nuno Gomes, Fransisco Luis Fernandes ho Bernardino Menezes), 2002.
Download livru.

Tetun ba eskola ho servisu 1

Catharina Williams-van Klinken, Leoneto da Silva Ribeiro, Cesaltina Martins Tilman, 2015.
Manual nee hodi hanorin estudante iha nivel universidade oinsaa atu hakerek no estuda ho efetivu. Iha kapitulu kona ba istoria Tetun nian, prinsipiu ortografia, oinsaa aprende liafuan foun no desidi objetivu, koalia formal ho koalia halimar, liga fraze kona ba tempu, hakerek istoria, buka informasaun iha livru ka artigu, aponta informasaun tuir artigu ka tuir orador, no hakerek rezumu.

Download livru, kulit.

Tetun ba eskola ho servisu 2

Catharina Williams-van Klinken, Leoneto da Silva Ribeiro, Cesaltina Martins Tilman, Teófilo António Soares Maia ho Melky Fridus Ladis Costa Akoyt, 2016.
Manual nee kontinua hanorin oinsaa atu hakerek no estuda ho diak. Iha kapitulu kona ba hakerek paragrafu, deskrisaun, kurikulum vitae, relatoriu ho prosedimentu, hanoin kritiku, tuir intervista atu hetan servisu, numeru ho lian Tetun, hakerek revizaun literatura ho bibliografia, tradusaun, no oinsaa tradus pasivu ba Tetun.

Download livru, kulit.

Atividade hodi hanorin lingua

Luann Gronhovd, 2003. Dili: Peace Corps East Timor.

Download.

Peace Corps East Timor Tetun Language Course, hamutuk ho gravasaun ho flashcard

Catharina Williams-van Klinken, 2015, edisaun 3
Manual nee hodi hanorin Tetun ba estranjeiru. Iha topiku oi-oin hosi moris loro-loron nian, ho mos introdusaun ba topiku balu nebee espesifiku liu, hanesan administrasaun, edukasaun ho agrikultura.
Ita bele sosa livru ho folin maizumenus $20, bele sosa CD iha DIT, ka bele download iha nee.

Livru: Download livru (10.8MB), kulit (7.3MB). 

Bele mos download kapitulu balu deit, para la bele boot liu 1MB: Kulit, Materia oin - kapitulu 5, 

Kapitulu 6-10, 11-15, 16-25,  26-35, 36-45, 46-Apendise. 

Gravasaun vokabulariu ho dialogu iha kapitulu 1-10.

Flashcard ba vokabulariu kapitulu 1-12 (Peter Sullivan mak prepara, uza Cuecard), Download nudar .ZIP (869KB).

Memrise: programa para aprende vokabulariu. 

Tetun Dili: a grammar of an East Timorese language

Catharina van Klinken, John Hajek and Rachel Nordlinger, 2002.  Canberra: Pacific Linguistics, 520.

Download.

A grammar of the Fehan dialect of Tetun, an Austronesian language of West Timor

Catharina van Klinken, 1999. Canberra: Pacific Linguistics, C-155 .

Download.

DIT English grammar teaching guide

Peter Coenradi with DIT English language teachers, 2019.
Manual nee hakerek atu tulun mestri/a Ingles hodi kompriende no esplika tempu ho lian Ingles. Livru nee foo regra, ezemplu, no komparasaun ho lian Tetun.
Download  livru. 

English III for Tourism

Ken McIntyre, 2013.
Manual nee hakerek para estudante iha area turizmu ho ospitalidade. Iha topiku kona ba aviaun, orariu, otel, restorante, dokumentu viajen nian, tabela ho grafiku, no ezersiziu hakerek.
Download  livru. 

English III for Petroleum

Ken McIntyre, 2013.
Manual nee hakerek ba estudante petroliferu. Iha topiku kona ba sukat, halo komparasaun, ekipamentu, produsaun, transporte, tabela ho grafiku, servisu, seguransa, ho ezersiziu hakerek.
Download  livru.