Disionariu interativu Tetun-Ingles

Catharina Williams-van Klinken, 2019, edisaun 3.

Ema barak kontribui hodi halo disionariu nee. Iha liafuan Tetun 11600, espresaun Tetun tan 1200, ho liafuan Ingles 12700. Iha referensia 5400, hanesan sinonimu ho antonimu, ho mos ezemplu 3200. Iha versaun Windows, bele mos buka tuir kategoria, hanesan saude ka agrikultura.

Download programa instalasaun iha nee ba Windows. (Karik presiza dezinstala lai versaun uluk nian. Iha komputador balu, presiza uza funsaun 'administrador' atu instala versaun nee.)

Download HTML iha nee ba versaun nebee mak ita bele uza iha plataforma seluk tan.

Versaun Android ba edisaun 3 seidauk prontu. Maibee ita bele download edisaun 2 iha nee hosi Google Playstore. Depois kuandu ami hasae edisaun 2 ba Google Playstore, ida nee tuir loos download automatikamente.

Word-finder Tetun/Ingles

Catharina Williams-van Klinken, 2015, edisaun 2.

Word-finder nee disionariu kiik ba ema nebee aprende Tetun ka Ingles iha nivel baziku ka intermediu. Iha liafuan Tetun 4500, no Ingles 4900.

Ita bele sosa iha loja livru ho folin $5-$10. Se ita sosa 30 ba leten iha Sentru Lingua DIT, nia folin tuun too $3 kada livru. Se sosa 100 ba leten, nia folin tuun tan too $2.50. Ba livru ho medida boot uitoan (tanba letra boot liu), se sosa 30 ba leten, nia folin $4, se sosa 100 ba leten, folin $4.50. Atu marka tempu para sosa, kontaktu ami. Bele mos download iha nee.

Download: livru, kulit.

Medical glossary

Dili Institute of Technology ho Maluk Timor
2023, Glosariu termu saude ho mediku (Tetun/Ingles) - Tetun/English glossary of health and medical terms.
Download  livru ho kulit.
Download disionariu interativu Tetun/Ingles. Glosariu saude iha nia laran.

Glosariu turizmu no hahaan

Catharina Williams-van Klinken, Helio Brites da Silva, Cesaltina Martins Tilman, Martinha Rodrigues Rebelo Santos Silva, Marta Cardoso, Anabela Maia Santos ho Justino da Silva, 2016.

Glosariu nee iha liafuan turizmu nian 500, ho mos liafuan 700 kona ba hahaan ho tein. Hotu-hotu foo ho Tetun, Portuges, Ingles ho mos Bahasa Indonesia. Ita bele sosa livru ho folin maizumenus $10, dowload nudar PDF, ka uza nudar glosariu interativu iha komputador ka telefone.
Download nudar PDF: livru, kulit.

Download programa instalasaun iha nee (5.7MB) ba Windows 7, XP, Vista, ka iha nee ba Android.

Download HTML iha nee  ba plataforma seluk tan.